ජාතික සයිබර් ආරක්ෂණ මෙහෙයුම් මධ්යස්ථානය සමඟ සම්බන්ධ වෙමින් රාජ්ය ආයතන සඳහා සේවාවන් ලබා ගැනීම සඳහා ජනාධිපති අනුර කුමාර දිසානායක මහතා ඉදිරිපත් කළ යෝජනාවට කැබිනට් මණ්ඩලයේ අනුමැතිය හිමිවුණා.
රාජ්ය ආයතන සහ මූල්ය ආයතන ඉලක්ක කරගෙන එල්ල වන සයිබර් ප්රහාර හේතුවෙන් එම ආයතන මඟින් සපයනු ලබන අත්යවශ්ය සේවාවන්ට බාධාවන් ඇති වීමේ අවදානමක් පවතිනවා.
එමෙන්ම පෞද්ගලික හා සංවේදී දත්ත වෙනත් පාර්ශ්ව අතට පත් වීම, පුරවැසියන්ගේ පුද්ගලික ආරක්ෂාව, ජාතික ආරක්ෂාව, ආර්ථික ස්ථාවරත්වය, මහජන සෞඛ්යය සහ සමාජයේ යහපැවැත්ම සඳහා මෙන්ම, රාජ්ය ආයතන සම්බන්ධයෙන් මහජනතාව තුළ පවතින විශ්වාසය කෙරෙහි අහිතකර ලෙස බලපානු ලබයි.
මෙවැනි තර්ජන සහ අවදානම් අවම කිරීම සඳහා ශ්රී ලංකා පරිගණක හදිසි ප්රතිචාර සංසදය සහ ඩිජිටල් ආර්ථික අමාත්යාංශයේ මඟපෙන්වීම යටතේ ජාතික සයිබර් ආරක්ෂණ මෙහෙයුම් මධ්යස්ථානය පිහිටුවා ඇත.
ජාතික සයිබර් තාක්ෂණ මෙහෙයුම් මධ්යස්ථානය විසින් දවසේ පැය 24 පුරා අඛණ්ඩව සයිබර් තර්ජන නිරීක්ෂණය කිරීම, හඳුනා ගැනීම සහ ප්රතිචාර දැක්වීම මෙන්ම ඕනෑම ආකාරයක අනිෂ්ඨ මෘදුකාංග මඟින් සිදුවන හානි හා අනවසර පිවිසුම් හඳුනාගෙන අනතුරු ඇඟවීම යන පහසුකම් ලබා දීම සිදු කරනු ලබයි.
ඒ අනුව, ජාතික සයිබර් ආරක්ෂණ මෙහෙයුම් මධ්යස්ථානය සමඟ සම්බන්ධ වී එහි වෘත්තීය සේවාවන් අඛණ්ඩව ලබා ගැනීම සඳහා අදාළ අමාත්යාංශ ලේකම්වරුන්ට හා රාජ්ය ආයතන ප්රධානීන්ට නියම කිරීම සඳහා ඩිජිටල් ආර්ථික අමාත්ය ලෙස ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
